काठमाडौं । नेपाली राष्ट्रिय क्रिकेट टिमका अलराउन्डर दीपेन्द्र सिंह ऐरीको टी-ट्वान्टीको ब्याटिङ वरीयता सुधार भएको छ ।
अन्तर्राष्ट्रिय क्रिकेट परिषद (आईसिसी) ले अपडेट गरेको नयाँ वरीयतामा दीपेन्द्रको वरीयता एक स्थान सुधार भएको हो ।
दीपेन्द्र नयाँ वरीयताको ४३ औं स्थानमा उक्लिएका छन् । यस अघि उनी ४४ औं स्थानमा रहेका थिए ।
ब्याटिङतर्फ नेपालका कुशल भुर्तेल ४० औं स्थानमा यथावत रहेका छन् ।
आसिफ शेख एक स्थान तल झदै ९७ औं स्थानमा रहेका छन् ।
बलिङतर्फ नेपालका कप्तान सन्दीप लामिछाने ४१ औं स्थानमा यथावत रहेका छन् ।
बलिङमै अभिनाश बोहरा ९२ औं स्थानमा यथावत रहेका छन् ।
अलराउण्डरतर्फ दीपेन्द्र सिंह ऐरी ९ औं स्थानमा यथावत रहेका छन् ।