स्वारेज र काभानीको गोलमा उरुग्वेको सहज जित

एजेन्सी । कोपा अमेरिका फुटबलमा उरुग्वेले शानदार सुरुवात गरेको छ । प्रतियोगिताको सबै भन्दा सफल टोली उरुग्वेले सोमबार बिहान सकिएको खेलमा इक्वेडरलाई ४–० ले हराएको हो ।

पहिलो हाफमै ३–० ले अघि बढेको उरुग्वेले दोस्रो हाफमा एक गोल उपहार पाएको थियो ।

१० खेलाडीमा सिमित इक्वेडरमाथि उरुग्वेले सहज जित हात पारेको हो ।

उरुग्वेको जितमा ईडिन्सन काभानी र लुईस स्वारेजले गोल गर्न सफल रहे । अर्को गोल निकोलस लोदेईरोको नाममा रह्यो ।

२४ औ मिनेटमा जोसे किन्टोस रातो कार्ड खादै मैदान बाहिरिएपछि इक्वेडर १० खेलाडीमा सिमित भएको थियो ।

लोदेईरोले खेलको छैटौ मिनेटमा उरुग्वेलाई अग्रता दिलाएका थिए । ३३ औ मिनेटमा काभानीले उरुग्वेको अग्रतालाई दोब्बर पारेका थिए । ४४ औ मिनेटमा स्वारेजले उरुग्वेलाई ३–० को स्थितीमा पुर्रायाएका थिए । अतुर्रो मिनाले ७८ औ मिनेटमा आत्मघाति गोल गरेपछि उरुग्वे ४–० विजयी बनेको थियो ।

समुह सीमा रहेको उरुग्वेले जितपछि ३ अंक जोडेको छ ।