मलेसियाविरुद्ध नेपालको चौंथो विकेट पतन

काठमाडौं । थाइल्याण्डमा जारी एसीसी यू-१६ पूर्वी क्षेत्रिय क्रिकेट प्रतियोगिताको फाइनलमा नेपालले अहिले मलेसियासंग प्रतिस्पर्धा गरिरहेको छ ।

थाइल्याण्डको चियाङमाईमा मलेसियाविरुद्ध टस जितेर ब्याटिङ गरिरहेको नेपालले मध्यम प्रदर्शन गरिरहेको छ।

नेपालले २४ ओभरको खेल सकिदा ४ विकेट गुमाएर ९० रन बनाएको छ ।

साविकको विजेता समेत रहेको नेपाल उपाधि रक्षा गर्ने योजनासहित मैदान उत्रिएकोछ । जारी प्रतियोगितामा उत्कृष्ट प्रदर्शन गरिरहेको नेपाललाई उपाधि जित्न भने मलेसियाको चुनौती पन्छाउनु पर्नेछ ।

मलेसिया पनि नेपाललाई पराजित गर्दै उपाधि जित्ने योजनामा हुनेछ । यस्तै मलेसिया नेपालसंग समूह चरणमा व्यहोरेको हारको बदला लिने योजनामा हुनेछ ।

समूह चरणको भेटमा नेपालले मलेसियालाई ३९ रनले पराजित गरेको थियो । नेपाल उक्त जितलाई कायम राख्दै उपाधि घर ल्याउन चाहन्छ ।

शनिबार भएको सेमिफाइनलमा हङकङलाई ४ विकेटले पराजित गर्दै नेपाल उपाधि नजिक पुगेको हो ।

यस्तै मलेसियाले साविकको उपविजेता सिंगापुरलाई ५७ रनले पराजित गर्दै नेपालसंगको भेट पक्का गरेको थियो ।

अघिल्लो संकरणमा नेपालले सिंगापुरलाई ७१ रनले पराजित गर्दै उपाधि जितेको थियो । यस संस्करणमा सिंगापुर सेमिफाइनलमा पराजित भयो ।