स्पेनिस सुपर कपमा चार टोली, स्पेन बाहिर खेलाइने

एजेन्सी । स्पेनिस सुपर कप फुटबल अब नयाँ ढाँचामा खेलाइने भएको छ ।

रोयल स्पेनिस फुटबल फेडेरेसनले स्पेनिस सुपर कपको ढाँचा परिवर्तन गर्दै सहभागी टोली बढाउने र स्पेन बाहिर खेल खेलाउने अवधारणा अघि सारेको छ ।

नयाँ ढाँचा अनुसार स्पेनिस सुपर कपमा अब ला लिगाको विजेता र उपविजेता तथा कोपा डेल रेको फाइनल पुग्ने दुई टोलीले खेल्नेछन् । यसअघि सुपर लिगमा लिग विजेता र कोपा डेल रे विजेताबीच प्रतिस्पर्धा हुँदै आएको थियो ।