फिलिप्सको स्थानमा दासुनले गुजरातबाट खेल्ने

काठमाडौं। गुजरात टाइटन्सले आइपिएल सिजनको बाँकी खेलमा घाइते ग्लेन फिलिप्सको स्थानमा दासुन शनाकालाई अनुबन्ध गरेको छ।

शनाकाले यसअघि गुजरातबाट खेलिसकेका छन्। यस सिजनमा फ्रान्चाइजीले उनलाई ७५ लाख रुपैयाँमा अनुबन्ध गरेको छ।

शनाकाले अहिलेसम्म आइपिएलको एक सिजन मात्र खेलेका छन्। उनले तीन खेलमा २६ रन बनाएका छन्। यद्यपि उनले बलिङ गर्ने मौका पाएका छैनन्।

सनराइजर्स हैदराबादविरुद्धको खेलमा फिल्डिङ गर्दा फिल्डिङ गर्दा फिलिप्सको कम्मरमा चोट लागेको थियो। पछि उनी प्रतियोगिताबाट बाहिरिएर घर फर्किए। अर्का खेलाडी कागिसो रबाडा पनि व्यक्तिगत कारणले अप्रिल ३ मा घर फर्किएका छन्। रबाडाको पुनरागमनको बारेमा अहिले कुनै स्पष्टता छैन।

गुजरात हाल ६ खेलबाट चार जितसहित अंक तालिकामा दोस्रो स्थानमा छ। गुजरातले शनिबार तालिकाको शीर्ष स्थानमा रहेको दिल्ली क्यापिटल्ससँग खेल्नेछ।