काठमाडौं । जिम्बावेमा सम्पन्न आइसीसी विश्वकप छनोट प्रतियोगितामा श्रीलंका अपराजित रुपमा च्याम्पियन बनेको छ।
आईतबार सम्पन्न फाइनल खेलमा नेदरल्यान्ड्सलाई पराकिलो अन्तरले पराजित गरि श्रीलंका च्याम्पियन भएको हो ।
हरारे स्पोर्टस क्लबमा भएको फाइनल खेलमा श्रीलंका १ सय २८ रनको फराकिलो अन्तरले पराजित गर्दै उपाधि जितेको छ ।
श्रीलंका अपराजित रहँदै च्याम्पियन भएको श्रीलंका यसअघि नै भारतमा हुने विश्वकपमा छनोट भईसकेको थियो ।
यस छनोटबाट भारतमा हुने विश्वकपमा नेदरल्यान्ड्स र श्रीलंकाले स्थान बनाएका थिए ।
श्रीलंकाले दिएको २ सय ३४ रनको लक्ष्य पछ्याएको नेदरल्यान्ड्स २३ दशमलब ३ ओभरमा १ सय ५ रनमा अलआउट भयो ।
नेदरल्यान्ड्सका लागि ओपनर म्याक्स ओडाउडले ६३ बलमा १ चौका र १ छक्कासहित सर्वाधिक ३३ रन बनाए ।
लोगन भान बिकले अविजित २० रन बनाउँदा विक्रमजित सिंह १३ रन बनाए । नेदरल्यान्ड्सका अन्य कुनैपनि ब्याटरले दोहोरो अंकमा रन बनाउन सकेनन् ।
श्रीलंकाका लागि महेश थिक्सेनाले ४ तथा दिलशान मदुशानकाले ३ विकेट लिए । वानिन्दु हसरंगाले आफ्नो नाममा २ विकेट राखे ।
त्यसअघि टस हारेर पहिला ब्याटिङको गरेको श्रीलंका ४७ दशमलब ५ ओभरमा २ सय ३३ रनमा अलआउट भएको थियो ।
श्रीलंकाका सेहान अर्चाचिगेले ७१ बलमा ४ चौकासहित ५७ रनको अर्धशतकीय ईनिङ खेले ।
कुशल मेन्डिस ५२ बलमा ५ चौका र १ छक्कासहित ४३ तथा चरिथ असलंका ३६ रन बनाए । पाथुम निसांका २३ तथा सदिरा समाराविक्रमा १९ रनमा आउट भए ।
नेदरल्यान्ड्सका लोगन भान बिंक, रायन केलिन, विक्रमजित सिंह र सकिब जुलफिकरले समान २/२ विकेट लिए ।
