निजगढ । मलेसियामा सम्पन्न एसिसि यु १६ इस्ट जोन कपको बिजेता खेलाडीलाइ बारामा सम्मान सहित नगर परिक्रमा गराइएको छ ।
जिल्ला क्रीकेट संघ बाराले आइतबार प्रतियोगितामा उत्कृष्ट प्रदर्शन गरेका खेलाडी निरज यादव र रोहन साहलाई कलैयामा नगर परिक्रमा सहित सम्मान गरेको हो ।
एसिसि यु १६ इस्ट जोन कप ट्रफी सहित बिजेता खेलाडीलाई आइतबार साझ सदरमुकाम कलैयामा नगर परिक्रमा गराउदै सम्मान गरिएको कलैया क्रिकेट क्लबका सदस्य तथा एम्पायर पंकज पाण्डेले बताए ।
खेलाडीद्वय यादव र साहलाइ नेपाली काङ्ग्रेसका सहमहामन्त्री फरमुल्लाह मंसुर, जिल्ला क्रिकेट संघ बाराका अध्यक्ष प्रभात चौरसिया, कलैया उपमहानगरपालिकाका नगर प्रमुख बिनोद साह लगायतले सम्मान सहित बधाइ दिएका थिए ।
