सिन्धुपाल्चोकका दुई क्रिकेट खेलाडी भारत प्रस्थान

काठमाडौं । पाँचपोखरी थाङपाल गाँउपालिकाले आफ्नो पालिकाका दुई क्रिकेट खलाडीलाई थप तालिमका लागि भारत पठाएको छ । 

पाँचपोखरी थाङपाल गाउँपालिकाका सार्थक धिताल र पासाङ दोर्जे तामाङलाई पालिकाको लगानी तथा सिन्धुपाल्चोक क्रिकेट संघको समन्वयमा तालिममा पठाइएकोे सिन्धुपाल्चोक क्रिकेट संघका अध्यक्ष विजयकुमार धितालले  जानकारी दिनुभयो । 

सार्थक बागमती प्रदेशका अन्डर १६ कप्तान भैसकेका तथा  राष्ट्रिय टिमको अन्डर १६ को बन्द प्रशिक्षणमा परिसकेका खेलाडी हुन पाँचपोखरी थाङपाल ३ का पासाङ जिल्लाबाट प्रदेशको खेल खेल्ने गर्दछन । 

भारतको बहु प्रतिष्ठित रणजी ट्रफी समेत खेली सकेका खेलाडी पुनित मेहराद्वारा प्रशिक्षण गराउने कल्का क्रिकेट एकेडेमीमा ३ महिनासम्म ट्रेनिङको लागि आज औपचारिक  रूपमा गाउँपालिका अध्यक्ष टासी लामाले शुभकामना सहित बिदाइ गर्नुभयो ।