संकटमा नेपाल, सातौं विकेट पतन

काठमाडौं । जिम्बावेमा जारी रहेको आइसीसी एकदिवसीय छनोटको समूह चरणको अन्तिम खेलमा नेपालले सातौं विकेट गुमाएको छ । 

सातौं विकेटका रुपमा नेपालका दीपेन्द्रसिंह ऐरी आउट भएका हुन् । ऐरी २१ बलमा १४ रन बनाउँदै लोयन भान विकको बलमा आउट भएका थिए । 

नेपालले नेदरल्यान्ड्सविरुद्ध टस हारेर पहिले ब्याटिङ गरिरहेको छ । अहिले नेपालले ३३ दशमलब ५ ओभरमा ७ विकेट गुमाएर १ सय २३ रन बनाएको छ । 

नेपालका ओपनर आसिफ शेख शुन्य रनमा नै आउट भएका थिए । पहिलो विकेट लोगेन भान विकले लिएका थिए । दोस्रो विकेटका रुपमा अर्का ओपनर कुशल भुर्तेल २७ रन बनाउँदै आउट भएका छन् । 

दोस्रो विकेट विक्रमजित सिंहले लिएका थिए । तेस्रो विकेटका रुपमा आरिफ शेख आउट भएका थिए । आरिफलाई ६ रनमा विक्रमजित सिंहले आउट गरेका थिए । 

नेपालले चौथो विकेटका रुपमा भीम सार्कीलाई गुमाएको थियो । भीम ५६ बलमा २२ रन बनाउदै आउट भए । क्लेटन फ्लोयडको पहिलो बलमा भीम आउट भए ।

पाँचौ विकेटको रुपमा नेपालले कुशल मल्ललाई गुमाएको थियो । मल्ल १२ रन बनाउँदै आर्यान दत्तको बलमा आउट भए ।

छैटौं विकेटका रुपमा नेपालले कप्तान रोहित कुमार पौडेललाई गुमाएको थियो । कप्तान पौडेल ५५ बलमा ३३ रन बनाउँदै लोयन भान विकको बलमा आउट भए ।

सुपर सिक्समा स्थान बनाउनका लागि नेपालले यो खेल जित्नै पर्ने दबाब रहेको छ ।