कप्तान पौडेल होल्डरद्वारा आउट

काठमाडौं । जिम्बावेमा जारी आइसीसी एकदिवसीय विश्वकप छनोटमा नेपालले चौथो विकेट गुमाएको छ । 

चौथो विकेटका रुपमा कप्तान रोहितकुमार पौडेल जेसन होल्डरको बलमा आउट भए । कप्तान पौडेल ४३ बलमा ३० रन बनाउदै आउट भएका हुन् । 

वेस्ट इन्डिजविरुद्ध ३ सय ४० रनको लक्ष्य पछ्याएको २० ओभरको समाप्तीमा ८३ रन कनाउँदा ४ विकेट गुमाएको छ ।

नेपालका कुशल मल्ल र आरिफ शेख क्रिजमा रहेका छन् । 

नेपालले पहिलो विकेटका रुपमा ओपनर कुशल भुर्तेललाई गुमाएको थियो । तीव्र गतिका बलर अल्जारी जोशेफको दोस्रो ओभरको चौथो बलमा ओपनर भुर्तेल ५ रनमा बोल्ड आउट भए । 

जेसन होल्डरले पाँचौं ओभरको दोस्रो बलमा भीम सार्कीलाई विकेटकिपर शाई होपबाट क्याच आउट गराए । तेस्रो विकेटका रुपमा ओपनर आसिफ शेख किमो पलको बलमा आउट भएका थिए ।

त्यसअघि हरारे स्पोट्र्स क्लबमा टस हारेर पहिला ब्याटिङको गरेको वेस्ट इन्डिजले निर्धारित ५० ओभरमा ७ विकेट गुमाउँदै ३ सय ३९ रन बनाएको थियो ।

वेस्ट इन्डिजका कप्तान शाई होपले १ सय २९ बलमा १० चौका र ३ छक्कासहित १ सय ३२ रनमा आउट भए । निकोलस पुरन ९४ बलमा १० चौका र ४ छक्कासहित १ सय १५ रनमा आउट भए ।

एक समय वेस्ट इन्डिज १५ दशमलब ३ ओभरमा ५५ रन बनाएर ३ विकेट गुमाएको अवस्थामा थियो । तर, चौथो विकेटका लागि पुरन र होपले २ सय १६ रनको दोहोरो शतकीय साझेदारी गर्दै खेलमा फर्काएका थिए ।