ओपनर मोदनी ललितको शिकार 

काठमाडौं । जिम्बावेमा जारी रहेको आइसीसी विश्वकप छनोटको आफ्नो दोस्रो खेलमा नेपाल छैटौं विकेट लिएको छ ।

नेपालका ललितनारायण राजवंशीले ओपनर सुशान्त मोदनीलाई आउट गराएका हुन् । 

अमेरिकाविरुद्धको  जारी खेलमा नेपालले २८ ओभरको समाप्तीमा ९४ रन खर्चिएर ६ विकेट लिईसकेको छ । 

यस अघि नेपालका बलर दीपेन्द्र सिंह ऐरीले गजानन्द सिंहलाई आउट गराएका थिए । 

नेपालका लागि तीव्र गतिका बलर करण केसीले ४ विकेट लिएका छन् । केसीले दोस्रो ओभरको पाँचौ र छैटौं बलमा विकेट लिएका थिए । 

करण सात दशमलब ५ ओभर तथा ९ दशमलब २ ओभरमा अर्को विकेट लिए । 

केसीले पहिलो विकेटका रुपमा ४ रन बनाएर खेलिरहेका स्टेभन टेलरलाई एलबिडब्लुको धरापमा पारेका थिए । टेलर आउट भएलगत्तै क्रिजमा आएका साईतेजा मुकामल्ललाई स्लिपमा रहेका आरिफको हातबाट क्याच आउट गराए । 

तेस्रो विकेटका रुपमा आरोन जोन्सलाई कुशल भुर्तेलबाट क्याच आउट गराए । चौथो विकेटका रुपमा नोस्तुषा केन्जिगेलाई १ रनमा आउट गराए । 

अमेरिकाका लागि अहिले क्रिजमा शहान जागिंर र निशर्ग पटेल रहेका छन् । जागिंर १५ तथा पटेल शुन्य रनमा क्रिजमा रहेका छन् ।

टस जितेर नेपालले बलिङ गरिरहेको हो । नेपालले बलिङ रोजेपछि अमेरिका पहिले ब्याटिङ गरिरहेको छ ।