शतकधारी गजानन्द बने सिंहको शिकार

काठमाडौं । जिम्बावेमा जारी रहेको आइसीसी विश्वकप छनोटको आफ्नो दोस्रो खेलमा नेपाल पाँचौ विकेट लिएको छ ।

नेपालका दीपेन्द्र सिंह ऐरीले वेस्ट इन्डिजसँगको अघिल्लो खेलमा शतक बनाएका गजानन्द सिंहलाई आउट गराएका हुन् । 

अमेरिकाविरुद्धको  जारी खेलमा नेपालले २७ ओभरको समाप्तीमा ९३ रन खर्चिएर ५ विकेट लिईसकेको छ । 

नेपालका लागि तीव्र गतिका बलर करण केसीले ४ विकेट लिएका छन् । केसीले दोस्रो ओभरको पाँचौ र छैटौं बलमा विकेट लिएका थिए । 

करण सात दशमलब ५ ओभर तथा ९ दशमलब २ ओभरमा अर्को विकेट लिए । 

पहिलो विकेटका रुपमा ४ रन बनाएर खेलिरहेका स्टेभन टेलरलाई एलबिडब्लुको धरापमा पारेका थिए । टेलर आउट भएलगत्तै क्रिजमा उनको स्थानमा आएका साईतेजा मुकामल्ललाई स्लिपमा रहेका आरिफको हातबाट क्याच आउट गराए । 

तेस्रो विकेटका रुपमा आरोन जोन्सलाई कुशल भुर्तेलबाट क्याच आउट गराए । चौथो विकेटका रुपमा नोस्तुषा केन्जिगेलाई १ रनमा आउट गराए । 

अमेरिकाका लागि अहिले क्रिजमा शहान जागिंर र सुशान्त मोदनी रहेका छन् । जागिंर ४ तथा मोदनी २८ रनमा क्रिजमा रहेका छन् ।

टस जितेर नेपालले बलिङ गरिरहेको हो । नेपालले बलिङ रोजेपछि अमेरिका पहिले ब्याटिङ गरिरहेको छ ।