लोरिस ८ हप्ता मैदान बाहिर रहने

काठमाडौं । टोटेनहमका गोलकिपर ह्युगो लोरिस ६ देखि ८ हप्ता मैदान बाहिर रहने भएका छन् ।

फ्रान्सका पूर्व कप्तान लोरिस घुँडाको चोटका कारण लामो समय मैदान बाहिर रहने भएका हुन् ।

३६ वर्षीय गोलकिपरले प्रिमियर लिग अन्तर्गत आइतबार म्यानचेस्टर सिटीविरुद्धको खेलमा चोट बोकेका थिए ।

उक्त खेलमा टोटेनहमले सिटीलाई १-० ले हराएको थियो ।

टोटेनहम प्रिमियर लिगको पाँचौं स्थानमा रहेको छ ।

लोरिसले गत महिना अन्तराष्ट्रिय फुटबलबाट सन्यास लिएका थिए ।

लोरिसले फ्रान्सका लागि १ सय ४५ खेल खेलेका छन् ।