मेस्सीले गरे लोथरको कीर्तिमानसँग बराबरी

काठमाडौं । अर्जेन्टिनाका कप्तान लियोनल मेस्सीले फिफा विश्वकपमा सर्वाधिक धेरै खेल खेल्ने खेलाडीको कीर्तिमानमा बराबरी गरेका छन् ।

मेस्सीले जर्मनीका पूर्व मिडफिल्डर लोथर माथाउसको नाममा रहेको २५ खेलको कीर्तिमान बराबर गरेका हुन् ।

कतारमा जारी विश्वकप अन्तर्गत क्रोएसियाविरुद्धको खेलमा सुरुआती-११ मा पर्दै मेस्सीले उनको कीर्तिमान बराबरी गरेका हुन् ।

विश्वकपको पहिलो सेमिफाइनलमा आज राति अर्जेन्टिना र क्रोएसियाबीच खेल हुँदैछ ।