काठमाडौं । क्रिकेट विवाद समाधानका लागि आईसीसीले गठन गरेको मोनिटरिङ कमिटिको बैठक मंसिर २२ गते बस्ने भएको छ ।
आईसीसीको सल्लाहाकार कमिटिले बनाएको विधान अनुसार क्रिकेट विवादको प्रक्रियालाई टुङ्गोमा पुर्याउन गठन गरिएको मोनिटरिङ कमिटिको दोस्रो बैठक काठमाडौंमा बस्न लागेको हो ।
बैठकमा आईसीसीका प्रतिनिधि सहित नेपालबाट राखेप र निलम्बित क्यानका प्रतिनिधि सहभागि रहनेछन् ।
‘मंसिर २२ गते बैठक बस्ने तय भएको छ । बढीमा दुई दिनसम्म २२ र २३ गते बैठक बस्नेछ ।’ निलम्बित क्यानका प्रतिनिधि रइस थापाले खेलपाटीसंग भने ।
बैठकमा क्यानको जिल्ला निर्वाचनको बिषयमा औपचारिक छलफल हुने थापाले बताए ।
यसअघि श्रावणको अन्तिम साता काठमाडौंका मोनिटरिङ कमिटिको बैठकले जिल्ला निर्वाचनको बिषयमा कागजात अध्ययन गर्ने र प्रक्रिया पुगेका निर्वाचनलाई मान्यता दिने बिषयमा सहमती जुटाएको थियो ।
थापाले भने, ‘कुन कुन जिल्लाकोे निर्वाचनले आधिकारिक मान्यता पाउने भन्ने बिषयमा छलफल हुन्छ । बैठकले निर्वाचन गर्नुपर्ने जिल्ला र त्यसको प्रक्रियाका बिषयमा निर्णय गर्ने एजेण्डा छ ।’
यसअघिको बैठकले अदालतमा दायर गरेको मुद्वा फिर्ता लिन र क्यानको तदर्थ कमिटि भंग गर्न क्रिकेटका सरोकारवाला पक्षलाई आग्रह गरेको थियो । तर निलम्बित क्यानले विवाद समाधानका रोडम्याप नबनेसम्म मुद्वा फिर्ता लिन नसकिने जिकिर गर्दै आएको छ । यद्वपी उसले बोर्ड बैठकबाट मुद्दा फिर्ता लिने निर्णय गराईसकेको छ ।
यता, राष्ट्रिय खेलकुद परिषदले तीन महिना म्याद राखेर गठन गरिएको तदर्थ कमिटिको कुनै औचित्य नभएको भन्दै त्यसलाई भंग गर्न आवश्यक नरहेको जिकिर गर्दै आएको छ ।
-1751297393.jpeg)
-1751282483.jpeg)
-1751282194.jpeg)
