इन्डोनेसियामा फुटबल खेलपछि भएको हिंसा र भागदौड हुँदा १२९ जनाको मृत्यु

काठमाडौं । इन्डोनेसियाको जाभा प्राप्तमा फुटबल खेलपछि भएको हिंसा र भागदौडमा १ सय २९ जनाको मृत्यु भएको छ।

उक्त हिंसामा १ सय ८० जना घाइते भएको गार्जियनले जनाएको छ ।

इन्डोनेसियाको शीर्ष डिभिजनको लिग वान फुटबल अन्तर्गत अरेमा र पर्सेबाया सुराबायाबीचको खेलपछि उक्त हिंसा भएको थियो । खेलमा अरेमा ३-२ ले पराजित भएपछि समर्थकहरु एक अर्कामा हिंसात्मक गतिविधिमा उत्रिएका थिए ।

त्यसपछि प्रहरीले अश्रुग्यास प्रहार गर्दै हिंसा नियन्त्रण गर्ने क्रममा भागदौड भएको थियो ।

३४ जनाको कन्जुरुहान रंगशालामा र बाँकीको अस्पतालमा मृत्यु भएको थियो ।

घटनापछि लिग वान फुटबल एक हप्ताको लागि स्थगित गरिएको छ ।