लुम्बिनीलाई सुदूरपश्चिम राजधानी कपको उपाधि  

धनगढी ।  लुम्बिनी प्रदेशले कैलालीको धनगढीमा भएको सुदूरपश्चिम राजधानी कप राष्ट्रिय फुटबल प्रतियोगिताको उपाधि जितेको छ । 

धनगढी रंगशालामा शनिबार भएको फाईनल खेलमा कर्णाली प्रदेशलाई सडनडेथमा हराउँदै लुम्बिनीले उपाधि जितेको हो । लुम्बिनीले कर्णालीलाई सडनडेथमा १०–९ ले हराएको हो । यसअघि निर्धारित समय दुबै टोलीले १–१ को बराबरी खेलेका थिए  । दुबै टोलीले आत्मघाती गोल गर्दा बराबरी भएको थियो  ।

उपाधिसँगै लुम्बिनी प्रदेशले नगद नगद ५ लाखसहित ट्रफी मेडल प्राप्त गरेको छ । उपविजेता कर्णाली प्रदेशले नगद ३ लाख सहित ट्रफी मेडल प्राप्त गरेको छ । प्रतियोगिताको उत्कृष्ट खेलाडी लुम्बिनी प्रदेशका फागुराम चौधरी भए । उनले नगद २० हजार पाए ।

यस्तै उत्कृष्ट रक्षक लुम्बिनी प्रदेशका चेतन थारु, उत्कृष्ट गोलरक्षक कर्णाली प्रदेशका सुदीप शाही ठकुरी, उत्कृष्ट प्रशिक्षक कर्णाली प्रदेशका चन्द्रप्रकाश शाही उत्कृष्ट मिडफिल्डर कर्णाली प्रदेशका भुपेन्द्र शाही भए । उनीहरुले जनही दश दश हजार पाए । 

पिएफए स्पोर्ट्स क्लब अत्तरियाको आयोजनामा भएको थियो ।