तेक्वान्दो टोली स्लोभेनिया प्रस्थान

काठमाडौं । आठौं आईटीएफ तेक्वान्दो वल्ड कपमा सहभागी हुन ७ खेलाडीसहित १० सदस्यीय नेपाली टोली स्लोभेनिया प्रस्थान गरेको छ । 

अक्टोबर १ देखि ९ तारिखसम्म हुने प्रतियोगितामा भिसम छन्त्याल, सम्झना कुँवर, अनिशा छन्त्याल, थमप्रकाश छन्त्याल, बेगम छन्त्याल, सन्दिप चौधरी र तारा छन्त्यालले नेपालको चुनौती प्रस्तुत गर्ने छन् ।

प्रशिक्षकमा अभिषेक छन्त्याल, व्यवस्थापकमा यमबहादुर छन्त्याल र निर्णायकमा सीताराम दराईं रहेका छन् । 

टोलीलाई सफलताको शुभकामना दिदै राष्ट्रिय खेलकुद परिषद्का बोर्ड सदस्य अन्जन धमलाले शनिबारनै एक कार्यक्रमबीच बिदाइ गरेका छन् ।