राष्ट्रव्यापी पावर लिफ्टिङ हुने

काठमाडौं । नेपाल पावर लिफ्टिङ संघको आयोजनामा दोश्रो रुप कार्की स्मृति राष्ट्रव्यापी पावर लिफ्टिङ प्रतियोगिता भदौ ३१ देखि असोज १ गतेसम्म हुने भएको छ ।

प्रतियोगितामा पुरुषतर्फ १० र महिलामा ४ तौलसमूहमा प्रतिस्पर्धा हुने सोमबार आयोजित पत्रकार सम्मेलनमा आयोजक संघका अध्यक्ष सुन्दर भुसालले जानकारी गराए ।

पुरुष जुनियर २१ वर्षमुनि र सिनियर ४५ वर्षमाथि उमेरसमूहमा पनि खेल हुनेछ ।

कुल पुरस्कार राशी ५ लाख ८५ हजार रुपैयाँ रहेको छ । त्यसमा पुरुष÷महिलामा ओभरअल विजेताले समान १–१ लाख नगद पुरस्कार पाउने छन् १ सय ५० खेलाडीको सहभागिता रहने प्रतियोगिताका खेलहरु त्रिपुरेश्वरस्थित राष्ट्रिय खेलकुद परिषद्को कभर्डहलमा हुनेछ ।