आईटीएफ टोलीको बिदाइ

काठमाडौं ।  गण्डकी प्रदेशमा हुने नवौं राष्ट्रिय खेलकुदका लागि हुने बागमती प्रदेशको आईटीएफ तेक्वान्दो खेलाडी छनोट प्रतियोगितामा सहभागी हुन काठमाडौं जिल्लाको टोली मंगलबार हेटौडा प्रस्थान गर्दै छ ।

भदौ २२ देखि २३ गतेसम्म हुने प्रतियोगितामा काठमाडौंबाट १५ पुरुष र १० महिला गरी २५ खेलाडी सहभागी हुने छन् ।

टोलीलाई सफलताको शुभकामना दिदै काठमाडौं जिल्ला खेलकुद विकास समितिका अध्यक्ष गणेशलाल कक्षपतिले सोमबार एक कार्यक्रमबीच बिदाइ गरे ।

सोही अवसरमा खेलाडीलाई खेल पोशाक पनि वितरण गरिएको थियो ।