टी-ट्वान्टीको महिला वरीयतामा नेपालका ५ खेलाडी  

काठमाडौं । आईसीसी महिला टी-ट्वान्टी वरीयतामा नेपालका कप्तान रुबिना क्षेत्रीसहित पाँच खेलाडी परेका छन् ।

अन्तराष्ट्रिय क्रिकेट परिषद (आईसीसी) ले अपडेट गरेको पछिल्लो वरीयतामा नेपालका पाँच खेलाडी परेका हुन् ।

वरीयतामा कप्तान रुबिनासहित कविता कुँवर, सिता राना मगर, इन्दु वर्मा र ज्योति पाण्डे परेका छन् ।

टी-ट्वान्टी महिलाको ब्याटिङ वरीयतामा सिता ५२ औं स्थानमा रहेकी छिन् ।

यस्तै ज्योति पाण्डे ८० औं र इन्दु वर्मा ९९ औं स्थानमा रहेकी छिन् ।

बलिङ वरीयतामा कविता कुँवर ६१ औं स्थानमा छिन् । कप्तान रुबिना बलिङ वरीयताको ७१ औं र सिता ७५ औं स्थानमा छिन् ।

आईसीसी महिला टी-ट्वान्टी राष्ट्रको वरीयतामा नेपाल १६ औं स्थानमा रहेको छ।