पाकिस्तान र वेस्ट इन्डिजबीचको सिरिज मुल्तानमा हुने

काठमाडौं । पाकिस्तान र वेस्ट इन्डिजबीचको एकदिवसीय सिरिज रावलपिन्डीबाट सरेको छ ।

अब पाकिस्तान र वेस्ट इन्डिजबीचको सिरिज मुल्तानमा हुनेछ ।

रावलपिन्डीसँग जोडिएको इस्लामाबादमा हुने राजनीतिक अनिश्चिततालाई मध्यनजर गर्दै सिरिजको ठाउ सारिएको हो ।

क्रिकेट विश्वकप सुपर लिग अन्तर्गत पाकिस्तान र वेस्ट इन्डिजबीच तीन खेलको सिरिज हुनेछ ।

पहिलो खेल जुन ८ मा हुनेछ । यस्तै दोस्रो खेलमा जुन १० र अन्तिम खेल जुन १२ मा हुने तालिका रहेको छ ।

सिरिजका लागि पाकिस्तान क्रिकेट बोर्डले बाबर आजमको कप्तानीमा टोलीको घोषणा गरिसकेको छ ।