यू-१९ महिला क्रिकेट टिमको घोषणा

काठमाडौं । आईसीसी यू-१९ महिला विश्वकप अन्तर्गत एसिया छनोटका लागि नेपाली टोलीको घोषणा भएको छ ।

नेपाल क्रिकेट संघ (क्यान) ले शनिबार कृतिका मरासिनीको कप्तानीमा १४ सदस्सीय टोलीको घोषणा गरेको हो ।

नेपाली टोलीको उपकप्तानमा स्नेहा महरा रहेकी छिन् ।

मलेसियामा आयोजना हुने छनोटमा नेपालले पहिलो खेल कतारसँग खेल्नेछ ।

नेपालले कतारसँग जुन ३ मा खेल्नेछ  । छनोटमा नेपालसहित, मलेसिया, युएई, थाइल्याण्ड, भुटान र कतार रहेका छन्।

नेपालले दोस्रो खेलमा युएईविरुद्ध जुन ४ मा खेल्दा भुटानविरुद्ध जुन ६ मा खेल्नेछ ।

त्यस्तै नेपालले जुन ७ मा थाइल्याण्ड र जुन ९ मा मलेसियाविरुद्ध खेल्नेछ ।

शीर्ष स्थानमा रहने टोलीले दक्षिण अफ्रिकामा हुने टी-ट्वान्टी विश्वकप खेल्नेछ । 

नेपाली टोली -

कृतिका मरासिनी, स्नेहा महरा,श्रीष्टि जैशी, मनिषा उपाध्याय,मनिषा राना मगर, अलिशा यादव, साना प्रविन, रन्जु श्रेष्ठ,आश्मा पुलामी मगर,सानु राजवंशी,किरण कुँवर,अन्जली बिक,अनु कडायत,सुष्मिता भुसाल