काठमाडौं । लखनउ सुपर जाइन्ट्सले इन्डियन प्रिमियर लिग (आईपीएल) टी-ट्वान्टी क्रिकेटको प्ले अफमा प्रवेश गरेको ।
मुम्बईमा बुधबार राति भएको रोमान्चक खेलमा कोलकत्ता नाइट राइडर्सलाई २ रनले हराएर लखनउ प्ले अफमा पुगेको हो ।
लखनउले दिएको २ सय ११ रनको लक्ष्य पछ्याएको कोलकत्ताले २० ओभरमा ८ विकेट गुमाएर २ सय ८ रन मात्र बनाउन सक्यो ।
कोलकत्ताका लागि कप्तान श्रेयस आयरले ५० रनको अर्धशतकीय इनिङ खेले ।
यस्तै नितिश रानाले ४२ तथा रिन्कु सिंहले ४० रन जोडे । साम विलिङसले ३६ रन जोड्दा सुनिल नारिने २१ रनमा अविजित रहे ।
लखनउका मार्कुस स्टोनिस र मोसिन खानले ३/३ विकेट लिए ।
त्यसअघि पहिले ब्याटिङ गरेको लखनउले २० ओभरमा विना विकेटको क्षतिमा २ सय १० रन बनाएको थियो ।
लखनउका ओपनर क्विन्टन डी ककले अविजित रहदै १ सय ४० रनको शतकीय इनिङ खेले । यस्तै अर्का ओपनर तथा कप्तान केएल राहुलले अविजित रहदै ६८ रनको अर्धशतकीय इनिङ खेले ।
ओपनरद्वय डी कक र राहुलको यो कीर्तिमानी साझेदारी हो । आईपीएल इतिहासमा २ सय १० रन ओपनरले गरेको सर्वाधिक ठूलो साझेदारी हो ।
जितसँगै लखनउ दोस्रो स्थानमा उक्लिएको छ । लखनउ प्ले अफ पुग्ने दोस्रो टोली बनेको छ ।
लखनउले १४ खेलमा १८ अंक जोडेको छ ।
कोलकत्ता १२ अंक जोडेर छैटौं स्थानमा रहेको छ ।
-1751597995.webp)
