पोखरा । प्रथम नाइन ए साइड भेट्रान्स फुटबल प्रतियोगिताको उपाधि संगम क्लबले जितेको छ ।
पोखरा रंगशालामा भएको फाइनल खेलमा पोखराको संगम क्लब(बी) ले काठमाडौंको सानो गौचरनलाई ३–० गोल अन्तरले हराउँदै उपाधि जितेको हो ।
संगमको जितमा लालबहादुर खत्री, विजय गुरुङ र संजय गुरुङले एक÷एक गोल गरे । खेलको २० औं मिनेटमा खत्रीले पहिलो गोल गर्दा खेलको ३२ औं मिनेटमा विजय गुरुङले दोश्रो गोल गर्दै जित सुनिश्चित गरे । खेलको ३७ औं मिनेटमा सञ्जय गुरुङले एक गोल गरी गोल अन्तर फराकिलो बनाए ।
प्रतियोगिताको उपाधि विजेता टिम संगमले नगद ३ लाखसहित ट्रफि, मेडल र प्रमाणपत्र प्राप्त ग¥यो । उपविजेता सानो गौचरनले नगद १ लाख ५० हजारको साथमा ट्रफी, मेडल र प्रमाणपत्र प्राप्त ग¥यो ।
प्रतियोगितामा संगम क्लवका बिजय गुरुङ उत्कृष्ट खेलाडी घोषित भए । उनले ट्रफीसहित नगद २० हजार प्राप्त गरे । त्यस्तै बगर भाई खलकका मनोज गुरुङ र संगम क्लवका नरेन्द्रजङ्ग गुरुङले जनही ७ हजार ५ सय नगद प्राप्त गरे ।
प्रतियोगितमा उत्कृष्ट डिफेन्डरमा संगमका विष्णुलाल श्रेष्ठ, उत्कृष्ट मिडफिल्डरमा संगमका महेन्द्र गुरुङ, उत्कृष्ट गोल रक्षकमा संगमकै खिमबहादुर गुरुङ र उत्कृष्ट स्ट्राइकरमा सानो गौचरनका शुक्र तामाङ घोषित भए । उनीहरुले ट्रफीसहित जनही नगद १५ हजार रुपैयाँ प्राप्त गरे ।
विजयी खेलाडीहरुलाई गण्डकी प्रदेशका यूवा तथा खेलकुद मन्त्री राजिव गुरुङ, मन्त्रालयका सचिव बद्रिनाथ अधिकारी, प्रदेश खेलकुद परिषद्का उपाध्यक्ष ध्वजकुमार गुरुङ, सदस्य सचिव तेजबहादुर गुरुङ, प्रतियोगिताका संयोजक दिलबहादुर गुरुङ लगायतले पुरस्कार वितरण गरे ।
गण्डकी प्रदेशको यूवा तथा खेलकुद मन्त्रालयले पहिलो पटक आयोजना गरेको प्रतियोगितामा १८ टिमको सहभागिता रहेको थियो ।
