टाइगर युवा क्लब विजयी

भरतपुर । स्वर्गीय विशाल गुरुङ स्मृति कप फुटबलमा टाइगर युवा क्लबले जित निकालेको छ ।

मंगलबार भएको खेलमा टाइगरले सेन्ट्रल कलेज एभरेस्ट क्लबलाई २-१ ले हराउँदै टाइगरले सुखद सुरुआत गरेको हो ।

टाइगरको जितमा बिक्की चाम्लिङ राई र सुजन श्रेष्ठले एक एक गोल गरे । सुजन खेलको म्यान अफ दि म्याच चुनिए । 

सेन्ट्रलका सन्देश तामाङले एक गोल फर्काए ।

रामपुर फुटबल क्लब र शारदा युवा क्लबको संयुक्त आयोजनामा जारी प्रतियोगितामा १२ टोली सहभागी छन् ।

प्रतियोगिताको विजेताले एक लाख र उपविजेताले ५० हजार पाउने रामपुर फुटबल क्लबका अध्यक्ष विजय घलेले जानकारी गराए ।