काठमाडौं । लिभरपुल यो सिजन चार उपाधि जित्ने सम्भावनाबाट गुज्रिरहेको छ र टिमका प्रमुख खेलाडी भर्जिल भान डाइक मान्छन्, यो क्लबका लागि दबाब पनि हो, अनि प्रेरणा पनि । उनी मात्र होइन्, धेरैका लागि यो असम्भव सपना पनि हो । त्यसैले लिभरपुल चारै उपाधि जित्न सफल रहे, त्यो दुर्लभ ऐतिहासिक उपलब्धी हुनेछ ।
लिभरपुललले फेब्रवरीमा लिग कप जितेको थियो र उसको सामु अझै इंग्लिस प्रिमियर लिग, एफएकप र युरोपेली च्याम्पियन्स लिग जित्ने अवसर छ । योगर्न क्लोपको टिमले हालै मात्र म्यानचेस्टर सिटीलाई हराएर एफएकपको फाइनल यात्रा तय गरेको थियो र उपाधि भिडन्तमा उसको सामना चेल्सीविरुद्ध हुनेछ ।
भान भाइक भन्छन्, ‘अहिलेसम्म कसैले पनि एकै सिजन चार उपाधि जितेको छैन्, किनभने यो असम्भव जस्तै छ ।’ प्रिमियर लिगमा लिभरपुल एक अंकको दूरीमा दोस्रो स्थानमा छ र सात चरणका खेल मात्र बाँकी छन् । त्यसमध्ये लिभरपुलले म्यानचेस्टर युनाइटेड, एभरटन र टोटनहमको सामना गर्नु पर्नेछ ।
डच डिफेन्डर मान्छन्, ‘यो चार उपाधिको सम्भावनाले हामीलाई प्रेरित त गरिरहेको छ, तर उत्तिकै दबाब पनि दिइरहेको छ । धेरेले यस्तो उपलब्धीबारे खालि सपनामा मात्र सोच्न सक्छन्, तर हामी भने त्यसको नजिक छौं । खासमा सबै सम्भावना खुल्ला छन् । सिजनको अन्त्यमा के हुनेछ, भन्नै सकिन्न ।’
–बीबीसीको सहयोगमा ।
