विशाल गुरुङ स्मृति फुटबल हुने

काठमाडौं । चितवनमा स्वर्गीय विशाल गुरुङ स्मृति कप फुटबल प्रतियोगिता आयोजना हुने भएको छ ।

शारदानगर चितवनमा बैशाख ३ गतेबाट १५ गतेसम्म प्रतियोगिता आयोजना हुने भएको हो ।

रामपुर फुटबल क्लब र शारदा युवा क्लबको आयोजनामा हुने प्रतियोगिता १२ टोलीको सहभागिता रहेको छ ।

प्रतियोगिताको उद्घाटनमा शारदा युवा क्लब र नारायणी मोटर्स युनिक एफसीबिच प्रतिस्पर्धा हुनेछ ।

प्रतियोगिताको विजेताले १ लाख र उपविजेताले ५० हजार पाउने रामपुर फुटबल क्लबका अध्यक्ष बिजय घलेले जानकारी गराए ।