नेसन्स लिग फाइनल्स आयोजना गर्न ४ देशको दाबी

काठमाडौं । यूईएफए नेसन्स लिग फाइनल्स आयोजनाका लागि चार राष्ट्रले दाबी पेश गरेका छन् ।

सन् २०२३ को फाइनल्स आयोजनाका लागि बेल्जियम, नेदरल्यान्ड्स, पोल्याण्ड र वेल्सले दाबी गरेको हो ।

यूईएफएले आयोजकको दाबी पेश गर्ने अन्तिम मिति अक्टोबर ५ सम्म तोकेको छ । आगामी जनवरीमा आयोजक राष्ट्रको घोषणा गरिनेछ ।

पछिल्लो संस्करणको फाइनल्स इटालीमा भएको थियो ।

फ्रान्सले स्पेनलाई हराउँदै उपाधि उचालेको थियो ।