महिला लिग : पहिलो चरण सकियो, एपीएफ शीर्ष स्थानमा

काठमाडौं । राष्ट्रिय महिला लिग फुटबलको पहिलो चरणको खेलहरु सकिएको छ  ।

चितवनको भरतपुरमा बुधबार अन्तिम दुई खेल सकिएसँगै पहिलो चरण सकिएको हो ।

बुधबार भएको पहिलो खेलमा ललितपुर महानगरपालिका र वालिङ नगरपालिकाले १-१ गोलको बराबरी खेलेका छन् ।

पहिलो चरणको अन्तिम खेलमा एपीएफ क्लबले विराटनगर महानगरपालिकालाई २-१ ले हराएको छ ।

पहिलो चरणको खेल सकिदा एपीएफ शीर्ष स्थानमा रहेको छ ।

एपीएफले ७ खेलमा २१ अंक जोड्यो ।

नेपाल पुलिस क्लब ७ खेलमा १५ अंक जोडेर दोस्रो स्थानमा रहेको छ।

यस्तै १५ अंक जोडेको त्रिभुवन आर्मी तेस्रो स्थानमा रहदा १२ अंक जोडेको धनगढी उपमहानगरपालिका चौंथो र १० अंक जोडेको विराटनगर पाँचौं स्थानमा रहेको छ ।