चेल्सीलाई स्तब्ध पार्दै रियल सेमिफाईनलमा

एजेन्सी । च्याम्पियन्स लिग फुटबलको क्वार्टरफाईनलमा रियल मड्रिडले चेल्सीलाई हराएको छ ।

मंगलबार राति क्वार्टरफाईनलको दोस्रो लेगमा अनुकुल नतिजा निकाल्दै स्पेनिस क्लब रियल सेमिफाईनल प्रवेश गरेको छ ।

दोस्रो लेगको खेलमा रियल मड्रिडले चेल्सीसँग २–३ को हार ब्यहोर्यो । तर समग्रमा ५–४ को नतिजा सहित रियल अन्तिम चारमा प्रवेश गर्यो । पहिलो लेगमा रियल ३–१ गोल अन्तरले अघि थियो ।

खेलमा उत्कृष्ट पुनरागमन गर्दै चेल्सी एक समय सेमिफाईनल नजिक थियो । तर वैकल्पिक खेलाडीको रुपमा मैदान छिरेका रोड्रिगोले रियललाई बराबरीमा ल्याएका थिए । थपिएको अतिरिक्त समयमा करिम बेन्जिमाले हेड गोल गर्दै रियललाई सेमिफाईनलको यात्रा तय गराए ।