भ्याली स्पोर्ट्स, हेम्जा युनाईटेड र शितल ज्योती सेमीफाईनलमा

पोखरा । अखिल नेपाल फुटबल संघ (एन्फा) कास्कीको आयोजनामा पोखरा रंगशालामा जारी सावित्री निर्माण सेवा कास्की लिगमा भ्याली स्पोर्ट्स क्बल, हेम्जा युनाइटेड क्लब र शितल ज्योती युवा क्लब सेमीफाईनलमा प्रवेश गरेको छ ।

खेल संयोजक नर प्रसाद गुरुङका अनुसार रंगशालामा आज भएको पहिलो खेलमा भ्याली स्पोर्ट्स क्लबले ड्यामसाईड क्लबलाई २–० गोल अन्तरले पराजित गर्दै अन्तिम चारमा प्रवेश गर्यो ।

दोस्रो खेलमा हेम्जा युनाइटेड क्लबले सत्य युवा क्लबलाई ४–१ गोलको फराकिलो अन्तरले पाखा लगायो । यसैगरी अन्तिम खेलमा शितल ज्योती युवा क्लबले नव आदर्श क्लबमाथी २–१ गोल अन्तरले सँघर्षपूर्ण जित निकाल्दै सेमीमा भ्यालीसंगको भेट पक्का गर्यो ।

क्वाटरफाईनलको अन्तिम खेल एलजी एशोसियसन र विष्णु पादुका क्बल बिचको खेल भोलि (बुधबार ) संचालन गरिने संयोजक गुरुङले जानकारी दिए । उनका अनुसार सेमीफाईनलको पहिलो खेल भ्याली स्पोर्ट्स क्बल र शितल ज्योती युवा क्लब बिच हुनेछ ।  

दोस्रो सेमीफाईनल खेल हेम्जा युनाईटेड क्बल र अन्तिम क्वाटरफाईनल खेलको विजेता टिम बिच हुनेछ । फाईनल खेल आगामी बिहिबार सम्पन्न गरिने एन्फा कास्कीले जनाएको छ ।