बराबरीमा रोकियो मिलान

काठमाडौं । इटालियन सिरी ए फुटबलमा शीर्ष स्थानको एसी मिलान बराबरीमा रोकिएको छ ।

आइतबार राति भएको खेलमा मिलानले टोरिनोसँग गोलरहित बराबरी खेलेको हो ।

टोरिनोको घरेलु मैदानमा पाएको मौकालाई सदुपयोग गर्न नसक्दा मिलानले बराबरी खेल्नु परेको हो ।

टोरिनोले पनि केहि मौका गुमाएको थियो ।

यस बराबरीसँगै मिलानले ३२ खेलमा ६८ अंक जोडेको छ ।

मिलान शीर्ष स्थानमा रहेको छ ।

मिलान दोस्रो स्थानको इन्टर भन्दा २ अंकले मात्र अघि रहेको छ ।

टोरिनो ३९ अंक जोडेर ११ औं स्थानमा रहेको छ ।