इटाली फर्किए विकास

काठमाडौं । नेपाली मुलका इटालियन युवा खेलाडी विकास मेराग्लिया आइतबार इटाली फर्किएका छन् ।

विकासले सामाजिक संजाल फेसबुकबाट आफु इटाली फर्किएको बताएका छन् ।

विकासले च्यासल युथ क्लबबाट सहिद स्मारक 'ए' डिभिजन लिग फुटबल खेलेका थिए । उनको टोली च्यासल रेलिगेसनमा परेको थियो ।

लिग खेल्नकै लागि उनी १४ वर्षपछि नेपाल आएका थिए ।

यस्तै उनले हिमालयन शेर्पा क्लबबाट केहि मोफसलका प्रतियोगिता खेलेका थिए ।

यस्तै उनले झापा-११ बाट समेत नकआउट प्रतियोगिता खेलेका थिए ।