इन्टरको सहज जित

काठमाडौं । इटालियन सिरी ए फुटबलमा इन्टर मिलानले जित निकालेको छ ।

शनिबार राति भएको खेलमा इन्टरले भेरोनालाई २-० गोल अन्तरले हराएको हो ।

इन्टरलाई जित दिलाउन निकोलो बरेला र इडेन जेकोले एक एक गोल गरे ।

खेलको २२ औं मिनेटमा बरेलाले गोल गर्दै टोलीलाई सुरुआती अग्रता दिलाएका थिए ।

त्यसपछि खेलको ३० औं मिनेटमा जेकोले गोल गर्दै इन्टरलाई २-० को जित दिलाए ।

जितसँगै इन्टरले ३१ खेलमा ६६ अंक जोडेको छ ।

इन्टर दोस्रो स्थानमा रहेको छ ।

भेरोना ४५ अंक जोडेर नवौं स्थानमा रहेको छ ।