साउथह्याम्पटनको पोस्टमा चेल्सीको आधा दर्जन गोल
काठमाडौं । इंग्लिस प्रिमियर लिग फुटबलमा चेल्सीले फराकिलो जित निकालेको छ ।
शनिबार राति भएको खेलमा चेल्सीले साउथह्याम्पटनलाई ६-० गोल अन्तरले हराएको हो ।
चेल्सीलाई जित दिलाउन मासन माउन्ट र टिमो वेर्नेरले दुई दुई गोल गरे । मार्कुस अलन्सो र काइ हार्भटेजले एक एक गोल गरे ।
साउथह्याम्पटनको मैदानमा खेलको आठौं मिनेटमा अलन्सोले गोल गर्दै चेल्सीलाई सुरुआती अग्रता दिलाएका थिए ।
१६ औं मिनेटमा मासनले गोल गर्दै टोलीको अग्रता २-० को बनाए ।
खेलको २१ औं मिनेटमा वेर्नेरले गोल गर्दै टोलीको अग्रता तेब्बर बनाए ।
३१ औं मिनेटमा काइले गोल गर्दा चेल्सी ४-० ले अघि रह्यो ।
खेलको ४९ औं मिनेटमा वेर्नेरले व्यक्तिगत दोस्रो गोल गर्दै टोलीलाई ५-० को अग्रता दिलाए ।
त्यसपछि खेलको ५४ औं मिनेटमा मासनले व्यक्तिगत दोस्रो गोल गर्दै चेल्सीलाई ६-० को जित दिलाए ।
जितसँगै चेल्सीले ३० खेलमा ६२ अंक जोडेको छ ।
चेल्सी तेस्रो स्थानमा रहेको छ ।
साउथह्याम्पटन ३६ अंक जोडेर १३ औं स्थानमा रहेको छ ।
