एभर्टनसँग हार्यो युनाईटेड

काठमाडौं । इंग्लिस प्रिमियर लिग फुटबलमा एभर्टनले म्यानचेस्टर युनाईटेडलाई हराएको छ ।

शनिबार भएको खेलमा एभर्टनले युनाईटेडलाई १-० गोल अन्तरले हराएको हो ।

घरेलु मैदानमा एभर्टनलाई जित दिलाउन एन्थोनी गोर्डोनले निर्णायक गोल गरे ।

गोर्डोनले खेलको २७ औं मिनेटमा गोल गरेका थिए । जुन गोल एभर्टनको जितमा निर्णायक बन्यो ।

यस जितसँगै एभर्टनले ३० खेलमा २८ अंक जोडेको छ ।

एभर्टन १७ औं स्थानमा रहेको छ ।

युनाईटेड ५१ अंक जोडेर सातौं स्थानमा रहेको छ ।