डर्टमण्डको जितमा जुलियन नायक

काठमाडौं । जर्मन बुन्डेसलिगा फुटबलमा बोरुसिया डर्टमण्डले जित निकालेको छ ।

शुक्रबार राति भएको खेलमा डर्टमण्डले स्टुटगार्डलाई २-० गोल अन्तरले हराएको हो ।

डर्टमण्डलाई जित दिलाउन जुलियन ब्रान्टले दुबै गोल गरे ।

खेलको १२ औं मिनेटमा हालाण्डको पासमा जुलियनले गोल गर्दै टोलीलाई १-० को अग्रता दिलाएका थिए ।

त्यसपछि खेलको ७१ औं मिनेटमा रिउसको पासमा जुलियनले व्यक्तिगत दोस्रो गोल गर्दै डर्टमण्डलाई २-० को जित दिलाए ।

यस जितसँगै डर्टमण्डले २९ खेलमा ६० अंक जोडेको छ ।

डर्टमण्ड दोस्रो स्थानमा रहेको छ ।

स्टुटगार्ड २७ अंक जोडेर १५ औं स्थानमा रहेको छ ।