टुसाल र झम्सिखेलको बराबरी

काठमाडौं । सहिद स्मारक 'बी' डिभिजन लिग फुटबल प्रतियोगितामा टुसाल युथ क्लब र झम्सिखेल युथ क्लबले बराबरी खेल्दै अंक बाडेका छन् ।

एन्फा कम्प्लेक्समा बिहीबार भएको खेलमा टुसाल र झम्सिखेलले गोलरहित बराबरी खेलेका छन् ।

प्रतिस्पर्धात्मक बनेको खेलमा दुबै टोलीले पाएको अवसरलाई सदुपयोग गर्न सकेनन् । जसको कारण खेल बराबरीमा सकिएको हो ।

बराबरीसँगै झम्सिखेलले ४ खेलमा ५ अंक जोडेको छ ।

टुसालले ४ खेलमा ४ अंक जोडेको छ ।

लिगमा १४ क्लबले सिंगल राउण्ड रोबिन लिगको आधारमा प्रतिस्पर्धा गरिरहेका छन् ।

शीर्ष दुई टोली 'ए' लिगमा बढुवा हुने छन् । यस्तै पुछारका दुई टोली  रेलिगेसनमा पर्ने छन् ।