श्री कुमारी र आरसीटीको बराबरी 

काठमाडौं । सहिद स्मारक ‘बी’ डिभिजन फुटबल लिग अन्तर्गत श्री कुमारी क्लब र रानी पोखरी कर्नर टिम (आरसीटी) ले बराबरी खेलेका छन् ।

एन्फा कम्पलेक्समा बिहीबार भएको खेलमा श्री कुमारी र आरसीटीले १–१ गोलको बराबरी खेले । 

तीन खेल खेलेको श्री कुमारीको यो लगातार तेस्रो बराबरी हो । 

यता आरसीटीले भने तीन मध्ये एक खेल जित्दा एकमा बराबरी तथा एक खेलमा पराजय भोगेको छ ।  

आरसीटीको चार तथा श्री कुमारको तीन अंक रहेको छ । 

श्री कुमारीका लागि सुजन राज गौतमले गोल गरे भने आरसीटीका लागि प्रज्वल गुरुङले गोल गरे । 

खेलको चौथों मिनेटमा सुजनले श्री कुमारीलाई सुरुआती अग्रता दिलाए । 

तर त्यसको एक मिनेट बित्न नपाउदै पाँचौ मिनेटमा आरसीटीका प्रज्वलले गोल खेललाई बराबरीमा पुर्याए ।