नेटोले २०२७ सम्म उल्भ्सका लागि खेल्ने

काठमाडौं । इंग्लीस प्रिमियर लिगका फुटबल क्लब उल्भ्सले फरवार्ड पेद्रो नेटोसँग सन् २०२७ सम्मका लागि सम्झौता गरेको छ । 

पोर्चुगलका फरवार्ड नेटोले सन् २०२० मा उल्भ्ससँग ५ वर्षका लागि सम्झौता गरेका थिए । 

तर उनले थप दुई वर्षका लागि सम्झौता नविकरण गरेका हुन् ।

ब्रागाबाट सन् २०१९ मा उल्भ्समा आएपछि २२ वर्षीय नेटो क्लबका एक प्रमुख खेलाडीको रुपमा रहेका छन् ।

नेटोले उल्भ्सका लागि ८३ खेल खेल्दै १० गोल गरेका छन् ।

नेटोले सन् २०२० मा पोर्चुगलका लागि डेब्यू गरेका थिए जुन खेल पोर्चुगलले ७–० ले जितेको थियो ।