सिटी क्वाटरफाइनलमा

काठमाडौं । इंग्लिस क्लब म्यानचेस्टर सिटी च्याम्पियन्स लिग फुटबलको क्वाटरफाइनलमा प्रवेश गरेको छ ।

बुधबार राति भएको अन्तिम १६ को दोस्रो लेगमा स्पोर्टिङ सिपिसँग गोलरहित बराबरी खेलेको सिटी समग्रमा ५-० को जितसहित अन्तिम आठमा पुगेको हो ।

पहिलो लेगमा सिटीले ५-० को फराकिलो जित निकालेको थियो । जसको कारण सिटीले समग्रमा जित निकाल्दै अर्को चरणको यात्रा तय गरेको हो ।

सिटीको घरेलु मैदानमा भएको दोस्रो लेगमा दुबै टोलीले पाएको अवसरलाई सदुपयोग गर्न सकेनन् । दुबै टोली फिनिसिङ चुक्दा खेल गोलरहित सकिएको हो।

सिटी लगातार पाँचौं पटक च्याम्पियन्स लिगको क्वाटरफाइनलमा पुगेको हो ।