लिगमा विरगंजको पहिलो जित

काठमाडौं । सहिद स्मारक ‘बी’ डिभिजन अन्तर्गत विरगंज युनाईटेडले पहिलो जित हात पारेको छ । 

एन्फा कम्पलेक्समा बुधबार भएको विवादित खेलमा विरगंजले सामाजिक युथ क्बललाई १–० गोल अन्तरले पराजित गरेको हो । 

विरगंजको जितमा एकमात्र निर्णायक गोल कृपा कान्त महतो थारुले गरे । 

महतोले खेलको ७१ औं मिनेटमा गरेको गोल नै विरगंजको जितका लागि पर्याप्त रह्यो ।

जितसँगै विरगंजले ३ खेलबाट ४ अंक जोडेको विरगंज चौथों स्थानमा उक्लिएको छ । 

यता ३ खेलमा केवल १ अंक जोडेको सामाजिक युथ १४ टिम सम्मिलित लिग तालिकाको पुछारमा पुगेको छ । 

खेलको ७८ औ मिनेटमा सामाजिक युथका खेलाडीलाई रेफ्रीले पहेलो कार्ड देखाएपछि सामाजिक युथका खेलाडी तथा पदाधिकारीले रेफ्रीको निर्णयसँग विवाद गरेका थिए ।