रुस र युक्रेनमा रहेका विदेशी खेलाडीले सम्झौता रद्द गर्न पाउने

काठमाडौं । विश्व फुटबलको सर्वोच्च निकाय फिफाले रुस र युक्रेनका क्लबहरुमा आवद्ध विदेशी खेलाडी तथा प्रशिक्षकले अस्थायीरुपमा सम्झौता टुंग्याउन सक्ने जनाएको छ । 

रुसले युक्रेनमाथिको आक्रमण जारी राखेपछि फिफाले रुस र युक्रेनमा रहेका विदेशी खेलाडी तथा प्रशिक्षकले सम्झौता अन्त्य गरेर अन्यत्र जान पाउने जनाएको हो । 

तर यो प्रावधान भने सिजनको अन्त्य अर्थात जुन ३० सम्मका लागि मात्र लागू हुनेछ ।

अन्य देशका क्लबहरुलाई रुस तथा युक्रेनमा खेलिरहेका विदेशी खेलाडीमध्ये दुई जनालाई अनुबन्धन गर्न पाउने समेत जनाएको छ । 

फिफाले भने रुसमाथि अन्तर्राष्ट्रिय फुटबल खेलका लागि प्रतिवन्ध लगाएको छ ।