बी डिभिजनमा खुमलटारको दोस्रो जित

काठमाडौं । सहिद स्मारक ‘बी’ डिभिजन अन्तर्गत खुमलटार युथ क्लबले दोस्रो जित हात पारेको छ ।  

एन्फा कम्पलेक्समा बुधबार भएको खेलमा खुमलटारले बाँसबारी क्बललाई १–० गोल अन्तरले पराजित गरेको हो । 

खुमलटारका लागि एकमात्र निर्णायक गोल सविन केसीले खेलको ३० औं मिनेटमा गरे ।

जितसँगै खुमलटारले तीन खेलबाट ६ अंक जोड्दै लिग तालिकाको तेस्रो स्थानमा उक्लिएको छ । 

चर्च ब्वाईज युनाइटेड र श्री भगवती क्लबको पनि ६ अंक रहेपनि गोल अन्तरका आधारमा चर्च ब्वाईज शीर्ष स्थानमा रहेको छ ।

बाँसबारीको भने तीन खेलमा दोस्रो पराजय हो । बाँसबारीले तीन खेलमा केवल १ अंक जोडेको छ । 

लिगमा १४ क्लबले सिंगल राउण्ड रोबिन लिगको आधारमा प्रतिस्पर्धा गरिरहेका छन् ।

शीर्ष दुई टोली 'ए' लिगमा बढुवा हुने छन् । यस्तै पुछारका दुई टोली  रेलिगेसनमा पर्ने छन् ।