भोजपुर गोल्डकपको खेल तालिका सार्वजनिक

काठमाडौं । पाँचौं अन्तराष्ट्रिय आमन्त्रण मेयर कप भोजपुर गोल्डकप फुटबलको खेल तालिका सार्वजनिक भएको छ।  

आयोजक भोजपुर जिल्ला फुटबल संघले प्रतियोगिताको खेल तालिका सार्वजनिक गरेको हो ।

भोजपुर टुँडिखेलमा आयोजना हुने प्रतियोगिता चैत १ देखि ७ गतेसम्म हुनेछ ।

प्रतियोगितामा ८ टोलीको सहभागिता रहेको छ ।

प्रतियोगिताको उद्घाटन खेलमा आयोजक भोजपुर जिल्ला फुटबल एसोसियसन र सगरमाथा युथ क्लबबीच प्रतिस्पर्धा हुनेछ ।

प्रतियोगिताको विजेताले ५ लाख र उपविजेताले ३ लाख पाउने आयोजकले जनाएको छ ।