मिलानको जितमा जिरुड नायक

काठमाडौं । इटालियन सिरी ए फुटबलमा एसी मिलानले जित निकालेको छ ।

आइतबार राति भएको खेलमा मिलानले नापोलीलाई १-० गोल अन्तरले हराएको हो ।

मिलानको जितमा ओलिभर जिरुडले निर्णायक गोल गरे ।

जिरुडले खेलको ४९ औं मिनेटमा गोल गरेका थिए ।

जितसँगै मिलानले उपाधि होड कायम राखेको छ । 

शीर्ष स्थानमा उक्लिएको मिलानले २८ खेलमा ६० अंक जोडेको छ ।

नापोली ५७ अंक जोडेर तेस्रो स्थानमा रहेको छ ।