चेल्सीको एकतर्फी जित

काठमाडौं । इंग्लिस प्रिमियर लिग फुटबलमा चेल्सीले सहज जित निकालेको छ ।

शनिबार राति भएको खेलमा चेल्सीले बर्नलीलाई ४-० गोल अन्तरले हराएको हो ।

चेल्सीलाई जित दिलाउन काइ हाभर्ट्जले दुई गोल गरे ।

रीस जेम्स र क्रिस्चियन पुलिसिचको नाममा एक एक गोल रह्यो ।

खेलको ४७ औं मिनेटमा जेम्सले गोल गर्दै चेल्सीलाई सुरुआती अग्रता दिलाएका थिए ।

५२ औं मिनेटमा हाभर्ट्जले गोल गर्दै चेल्सीलाई २-० को अग्रता दिलाए ।

हाभर्ट्जले ५५ औं मिनेटमा व्यक्तिगत दोस्रो गोल गरेपछि चेल्सीले ३-० को अग्रता बनायो ।

त्यसपछि खेलको ६९ औं मिनेटमा पुलिसिचले गोल गर्दै चेल्सीलाई ४-० को जित दिलाए ।

जितसँगै चेल्सीले २६ खेलमा ५३ अंक जोडेको छ ।

चेल्सी तेस्रो स्थानमा रहेको छ ।

बर्नली २१ अंक जोडेर १८ औं स्थानमा रहेको छ ।

अर्को खेलमा एस्टन भिल्लाले साउथह्याम्पटनलाई ४-० ले नै हराउँदा ब्रेन्टफोर्डले नर्विच सिटीलाई ३-१ ले हराएको छ ।

त्यस्तै क्रिस्टल प्यालेसले उल्भ्सलाई २-० तथा न्युकासलले ब्राइटनलाई २-१ ले हराएको छ ।