एभर्टन अन्तिम आठमा

काठमाडौं । प्रिमियर लिग क्लब एभर्टन एफए कप फुटबलको अन्तिम आठमा प्रवेश गरेको छ ।

बिहीबार राति भएको खेलमा बोरेहम उडलाई २-० गोल अन्तरले हराउँदै एभर्टन क्वाटरफाइनलमा प्रवेश गरेको हो ।

एभर्टनको जितमा दुबै गोल सालोमोन रोनडोनले गरे ।

खेलको ५७ औं मिनेटमा रोनडोनले गोल गर्दै एभर्टनलाई सुरुआती अग्रता दिलाएका थिए ।

त्यसपछि खेलको ८४ औं मिनेटमा रोनडोनले व्यक्तिगत दोस्रो गोल गर्दै एभर्टनलाई २-० को जित दिलाए ।

अब एभर्टनले क्वाटरफाइनलमा क्रिस्टल प्यालेसको सामना गर्नेछ ।