काठमाडौं । खुमलटार युथ क्लबले सहिद स्मारक 'बी' डिभिजन लिग फुटबलमा विजयी सुरुआत गरेको छ ।
एन्फा कप्लेक्स सातदोबाटोमा बिहीबार भएको खेलमा रानीपोखरी कर्नर टिम (आरसिटी) लाई ३-१ गोल अन्तरले हराउँदै खुमलटारले सुखद सुरुआत गरेको हो ।
खेलको १७ औं मिनेटमा दिवस छन्त्यालले गोल गर्दै खुमलटारलाई सुरुआती अग्रता दिलाएका थिए ।
७९ औं मिनेटमा विपिन थापा मगरले गोल गर्दै खुमलटारलाई २-० को अग्रता दिलाए ।
खेलको ८७ औं मिनेटमा अनुप गुरुङले गोल गर्दै आरसिटीलाई २-१ को स्थितिमा ल्याए ।
तर, खेलको इन्जुरी समयमा नवराज गुरुङले गोल गर्दी खुमलटारलाई ३-१ को जित दिलाए ।
जितसँगै खुमलटारले पहिलो खेलमै महत्वपूर्ण ३ अंक जोडेको छ ।
लिगमा १४ क्लबले सिंगल राउण्ड रोबिन लिगको आधारमा प्रतिस्पर्धा गरिरहेका छन् ।
शीर्ष दुई टोली 'ए' लिगमा बढुवा हुने छन् । यस्तै पुछारका दुई टोली रेलिगेसनमा पर्ने छन् ।
-1752678405.JPG)
-1752667918.png)
